Sábado 28. Inauguración do clube de rol Gygax

Mañá sábado 28 pola mañá desde as 11:00 ata as 14:00 na Praza Roxa de Santiago de Compostela, se farán as xornadas de inauguración do clube de rol santiagués bautizado como "Clube de rol Gygax" en honra a Gary Gygax, creador do primeiro xogo de rol Dungeons&Dragons.

As actividades, apoiadas polo Concello de Santiago e máis concretamente polo Centro Sociocultural e Xuvenil O Ensanche, consistirán en 3 partidas de exhibición dos xogos: Infinity, Warmachine e Flames of War.

Flames of War é un xogo de simulación bélica histórica ambientado na II Guerra Mundial. Para esta exhibición recrearemos o enfrentamento de Sidi Bou Zid, a derradeira victoria de Rommel en África.

Tamén haberá unha actividade consistente en charlas sobre rol para pais e para calquera xente que queira achegarse a coñecer a realidade deste tipo de xogos.

A partir das 13:00 farase o acto de entrega dos carnés dos primeiros inscritos. A inscición ao clube estará aberta durante todo o día é gratuita e permitirá participar en tódalas actividades que o clube organice.